Punjabi

کام تمام میسرہوون نام اوہدا چِت دھریاں رحموں سُکے ساوے کردا قہروں ساڑے ہریاں

قدرت تھیں جس باغ بنائے جگ سنسار تمامی رنگ برنگے بُوٹے لائے کجھ خاصی کجھ عامی

اکناندے پھل مٹھے کیتے پت اوہناندے کوڑے اکناندے پھُل کاری آؤن نفعے پھَلاں دے تھوڑے

ایس عجائب باغے اندرآدم دا رُکھ لایا معرفت دا میوہ دے کے واہ پھَل دار بنایا

رحمت دا جد پانی لگا تاں ہویا ایہہ ہریا ہرہرڈالی نے پھَل پایا سردھرتی جد دھریا

واہ وا خالق سرجن ہارا ملکاں، جِن، انساناں اربعہ عناصرتھیں جس کیتا گوناں گوُں حیواناں

کُن اوہدی نوں کوئی نہ پُہتا عاقل، بالغ،داناں در جس دے سرسجدے سُٹے لَوح قلم اَسماناں

آپ مکانوں خالی اُس تھیں کوئی مکان نہ خالی ہر ویلے ہر چیز محمدؔ رکھ دا نِت سنبھالی

اول حمد ثنا الٰہی جو مالک ہر ہردا اس دا نام چتارن والا ہر میدان نہ ہردا