Urdu

مِٹّی سے بیل بُوٹے کیا خُوش نُما اُگائے
پہنا کے سبز خِلعَت ان کو جواں بنایا

خُوش رنگ اور خوش بُو گُل پُھول ہیں کِھلائے
اس خاک کے کَھنڈَر کو کیا گُلستاں بنایا

سُورج بنا کے تُو نے رونق جہاں کو بخشی
رہنے کو یہ ہمارے اچّھا مکاں بنایا

یہ پیاری پیاری چڑیاں پِھرتی ہیں جو چہکتی
قُدرت نے تیری ان کو تسبیح خواں بنایا

رَحمَت سے تیری کیا کیا ہیں نعمتیں مُیَسَّر
ان نعمتوں کا مجھ کو ہی قدرداں بنایا

آبِ رواں کے اندر مچھلی بنائی تُو نے
مچھلی کے تیرنے کو آبِ رواں بنایا

ہر چیز سے ہے تیری کاری گری ٹپکتی
یہ کارخانہ تُو نے کب رایئگاں بنایا

تَعرِیف اس خُدا کی جس نے جہاں بنایا
کیسی زمیں بنائی کیا آسماں بنایا